Tá Léirithe Suime á lorg ag an Roinn Dlí agus Cirt le sannadh don Phainéal Idirnáisiúnta um Chosaint agus don Phainéal Aisdúichithe.

Chun cur ar chumas na hOifige um Chosaint Idirnáisiúnta (IPO) agus an Rannán Aisdúichithe um Sheachadadh Seirbhíse Inimirce (ISD) a gcuid feidhmeanna a chomhlíonadh go barrmhaith agus chun cabhrú le hualaí cásanna a laghdú, táthar ag lorg iarrthóirí atá cáilithe go cuí lena sannadh chuig an IPO agus na Painéil Aisdúichithe.

Is féidir na nithe seo a leanas a áireamh i bhfeidhmeanna chomhaltaí an Phainéil IPO: 

  • feidhmeanna a chomhlíonadh faoi Rialachán Bhaile Átha Cliath III an AE
  • agallaimh a dhéanamh le hiarratasóirí ar chosaint idirnáisiúnta faoin Acht um Chosaint Idirnáisiúnta, 2015 arna leasú, agus feidhmeanna leantacha sonraithe a dhéanamh ina leith sin;
  • scrúdú a dhéanamh ar dhoiciméid agus dréacht-tuarascáil/aighneacht réasúnaithe, cothrom agus láidir ó thaobh an dlí a chur ar fáil chuig oifigeach don Aire ar chásanna atá le breithniú faoi, inter alia, na heilimintí seo a leanas den Acht um Chosaint Idirnáisiúnta 2015, den Acht Inimirce 1999 agus reachtaíocht ábhartha eile
    • Cead fanachta
    • Cead chun fanacht le hathbhreithniú
    • Iarratas ina dhiaidh sin
    • Toirmeasc ar refoulement;
  • ionadaíocht a dhéanamh don Aire tríd an Oifig um Chosaint Idirnáisiúnta ag éisteachtaí achomhairc maidir le hiarratais ar chosaint idirnáisiúnta, cosaint choimhdeach agus cinntí aistrithe faoi Rialachán Bhaile Átha Cliath III an AE ag an mBinse Achomhairc um Chosaint Idirnáisiúnta.

Is féidir na nithe seo a leanas a áireamh i bhfeidhmeanna chomhaltaí an Phainéil Athdhúichithe: 

  • cásanna a thagann faoi Alt 3 den Acht Inimirce a bhreithniú, go háirithe Ailt 3(6) agus 3(11), agus Rialacháin na gComhphobal Eorpach (Saorghluaiseacht Daoine) 2015.

Féach Iarratas Ball Painéil an IPO le haghaidh tuilleadh faisnéise, lena n-áirítear Leabhrán Faisnéise do Chomhaltaí an Phainéil, foirm iarratais agus CCanna.

Ba cheart foirmeacha iarratais comhlánaithe a sheoladh ar ríomhphost amháin chuig [email protected] . Léigh “Leabhrán Faisnéise do Chomhaltaí an Phainéil 2024” le do thoil roimh iarratas a dhéanamh. Níl aon dáta deiridh ann faoi láthair chun iarratas a chur isteach ach féadfaidh an IPO/ISD dáta deiridh a thabhairt isteach níos déanaí, más gá.