Sa Roinn Seo

Réamhrá
Cén chuma atá ar víosa
Maidir le do víosa
Cad a chiallaíonn an fhaisnéis víosa

Réamhrá

D’fhéadfadh go mbeadh víosa ag teastáil uait más mian leat taisteal go hÉirinn nó dul trí aerfort Éireannach ar do bhealach chuig ceann scríbe eile.

Cén chuma atá ar víosa

Má éiríonn le d’iarratas ar víosa, cuirfear doiciméad (cosúil leis an gceann sa phictiúr thíos) isteach ar leathanach bán de do phas nó doiciméad taistil. Seo é do víosa:

Post Greamán Víosa Éireannach – Iúil 2019

Maidir le do víosa

Le víosa, is féidir leat taisteal go hÉirinn le linn na ndátaí a thaispeántar ar an doiciméad víosa. Ní ráthaíonn sé go gceadófar isteach in Éirinn thú.
Nuair a shroicheann tú an rialú teorann, déanfaidh oifigeach inimirce scrúdú ar do víosa, do phas agus doiciméid eile. Féadfaidh an t-oifigeach cead isteach go hÉirinn a dhiúltú duit fiú má tá víosa agat.

Má thugtar cead duit dul isteach, cuirfidh an t-oifigeach ‘stampa tuirlingthe’ ar do phas.

Léiríonn an stampa tuirlingthe an chúis le do chuairt, mar shampla , saoire, obair, staidéar. Taispeánann sé freisin cé chomh fada agus is féidir leat fanacht, suas go dtí 90 lá ar a mhéad.

Cad a chiallaíonn an fhaisnéis víosa

Seo uimhir oifigiúil do víosa.

Tá ‘Ireland’ i gcló anseo. Ciallaíonn sé seo go bhfuil do víosa bailí chun taisteal go hÉirinn.

Tá na dátaí priontáilte anseo.

Tá cead agat taisteal go hÉirinn idir na dátaí seo (san áireamh) agus cead a iarraidh dul isteach sa tír.

  • Ciallaíonn ‘C’ gur víosa gearrfhanachta é seo. Eisítear é le haghaidh cuairteanna ar Éirinn 90 lá nó níos lú
  • Ciallaíonn ‘D’ gur víosa fadfhanachta é seo. Eisítear é le haghaidh cuairteanna go hÉirinn de 90 lá nó níos mó.

Tá an uimhir ‘1’ nó an focal ‘Il’ i gcló anseo.

  • Ciallaíonn '1' nach féidir leat an víosa seo a úsáid chun taisteal go hÉirinn agus teacht isteach in Éirinn ach aon uair amháin
  • Ciallaíonn 'il' gur féidir leat an víosa a úsáid chun taisteal go hÉirinn agus teacht isteach in Éirinn níos mó ná uair amháin, idir na dátaí atá léirithe ag 3/4 thuas.

Is féidir uimhir nó na litreacha ‘XX’ a phriontáil anseo.

  •  Ciallaíonn uimhir (mar shampla 21) gur féidir leat fanacht in Éirinn ar feadh líon áirithe laethanta amháin (21 lá mar shampla)
  •  Ciallaíonn ‘XX’ go gcinnfidh an t-oifigeach inimirce ag rialú teorann cé chomh fada is féidir leat fanacht in Éirinn.

Tá an áit inar eisíodh an víosa clóite anseo.

Tá an dáta a eisíodh an víosa clóite anseo.

Tá uimhir do phas priontáilte anseo.

Tá do shloinne agus do chéad ainm clóite anseo.

  •  Tá do náisiúntacht, do bhunuimhir iarratais ar víosa agus dáta breithe priontáilte anseo (san ordú seo le haghaidh víosaí Iar-Iúil 2019)
  •  Tá d’uimhir iarratais bhunaidh ar víosa, dáta breithe agus náisiúntacht priontáilte anseo (san ordú seo le haghaidh víosaí roimh Iúil 2019).

Tá cuspóir do chuairte ar Éirinn clóite anseo freisin mar aon le coinníollacha ar bith, mar shampla – , cuairt, gnó, céile náisiúnach Éireannach.

Ní mór do víosaí gearrfhanachta 'C' do leanaí faoi 18 mbliana d'aois a thaispeáint má tá an leanbh ag taisteal ina aonar (gan tionlacan) nó le duine fásta (ina tionlacan ) .

Léigh cur síos níos faide ar cad ba cheart a bheith ag súil leis agus tú ag taisteal le leanaí faoi 18 mbliana d’aois.

Nuashonraíodh an leathanach seo an 17 Bealtaine 2023