Sa Roinn Seo

Réamhrá
Conas iarratas a dhéanamh
Coinníollacha iarratais breise do dhaoine óga
Coinníollacha speisialta do dhaoine óga a bhfuil tuismitheoir amháin acu

Réamhrá

Tá coinníollacha breise ann a bhaineann le daoine faoi 18 mbliana d’aois agus iad ag déanamh iarratais ar víosa. Iarrfar ort doiciméadú tacaíochta breise a sholáthar agus beidh na doiciméid bhreise sin ag brath ar do chúinsí.

Conas iarratas a dhéanamh

Má tá iarratas á dhéanamh agat ar dhuine óg amháin :

  • Déan iarratas ar víosa ar líne in ainm an duine óig agus cuir isteach doiciméid iarratais (thar a cheann) i ndiaidh an phróisis a bhfuil cur síos air thuas.

Má tá tú ag déanamh iarratais duit féin agus do dhuine óg :

  • Cuir isteach iarratas ar líne ar leith ar víosa agus doiciméid iarratais ar leith duit féin agus don duine óg
  • Más ionann bhur bpleananna, féadfaidh sibh fótachóip de na litreacha céanna, plean cóiríochta agus plean airgeadais don duine óg a úsáid.

  • Má tá do phleananna difriúil, ní mór duit doiciméid ar leith a sholáthar.

Má tá iarratas á dhéanamh agat ar níos mó ná duine óg amháin :

  • Cuir isteach iarratas ar líne ar leith ar víosa agus doiciméid iarratais ar leith do gach duine óg. Cuir na bunlitreacha, an plean lóistín agus an plean airgeadais san áireamh in iarratas duine óig amháin
  • Más mar a chéile pleananna gach duine óig, is féidir leat fótachóip de na litreacha céanna, plean lóistín agus plean airgeadais a úsáid do gach duine óg eile.

  • Má tá a bpleananna difriúil, ní mór duit doiciméid ar leith a sholáthar do gach ceann acu.

Coinníollacha iarratais breise do dhaoine óga

Má tá iarratas á dhéanamh agat ar dhuine óg atá ag taisteal le beirt tuismitheoirí nó caomhnóirí dlíthiúla, cuir san áireamh :

  • Bun Teastas Breithe an duine óig mar aon lena dhoiciméid iarratais.

Do dhuine óg atá ag taisteal le tuismitheoir nó caomhnóir dlíthiúil amháin, cuir san áireamh :

  • Bunlitir toilithe sínithe ag tuismitheoir/caomhnóir dlíthiúil eile an duine óig

  • Fótachóip de phas an tuismitheora/caomhnóra dhlíthiúil eile nó de chárta aitheantais náisiúnta a thaispeánann a síniú go soiléir

  • Má dhéanann tú iarratas ar níos mó ná duine óg amháin, cuir litir bhunaidh ar leith agus fótachóip de phas/chárta aitheantais an tuismitheora le hiarratas gach duine óig.

Do dhuine óg atá ag taisteal le duine fásta nach tuismitheoir nó caomhnóir dlíthiúil é/í, cuir san áireamh :

  • Bunlitir toilithe sínithe ag tuismitheoirí/caomhnóirí dlíthiúla an duine óig

  • Tá gá le litir toilithe tuismitheora fiú má tá an duine óg ag taisteal le duine den teaghlach níos sine, mar shampla – , deartháir nó deirfiúr atá os cionn 18 mbliana d’aois.

  • Fótachóip de phas gach tuismitheora/caomhnóra dlíthiúil nó cárta aitheantais náisiúnta a thaispeánann a síniú go soiléir

  • Má tá iarratas á dhéanamh agat ar níos mó ná duine óg amháin, cuir litir bhunaidh ar leith agus fótachóip de phas/chárta aitheantais gach tuismitheora le hiarratas gach duine óig.

Do dhuine óg atá ag taisteal ina aonar (.i. gan tuismitheoir nó duine fásta ar bith eile), cuir san áireamh :

  • Bunlitir toilithe sínithe ag tuismitheoirí/caomhnóirí dlíthiúla an duine óig

  • Fótachóip de phas gach tuismitheora/caomhnóra dlíthiúil nó cárta aitheantais náisiúnta a thaispeánann a síniú go soiléir

  • Má tá iarratas á dhéanamh agat ar níos mó ná duine óg amháin, cuir litir bhunaidh ar leith agus fótachóip de phas/chárta aitheantais gach tuismitheora le hiarratas gach duine óig.

Coinníollacha speisialta do dhaoine óga a bhfuil tuismitheoir amháin acu

Má tá iarratas á dhéanamh agat ar son duine óg ina bhfuil tuismitheoir básaithe :

  • Ní mór duit Deimhniú Báis bunaidh an tuismitheora nach maireann a chur san áireamh

  • Má dhéanann tú iarratas ar níos mó ná duine óg amháin, cuir an Deimhniú Báis bunaidh san iarratas amháin agus fótachóip i ngach iarratas eile.

Má tá iarratas á dhéanamh agat ar son duine óg a bhfuil coimeád tuismitheoir amháin aige :

  • Ní mór duit an tOrdú Cúirte bunaidh a thug coimeád aonair don tuismitheoir lena mbaineann a chur san áireamh

  • Má dhéanann tú iarratas ar níos mó ná duine óg amháin, cuir Ordú Cúirte ar leith do gach duine óg aonair (de réir mar is cuí) san áireamh.

Nuashonraíodh an leathanach seo an uair dheireanach ar 1 Feabhra 2023