Nuair a thugann Seachadadh Seirbhíse Inimirce (ISD) cead duit fanacht in Éirinn ní mór duit é a chlárú le húdaráis inimirce na hÉireann laistigh de 90 lá. Mura féidir leat coinne a fháil laistigh den tréimhse seo ná bíodh imní ort – ní chuirfimid do chead ar ceal ná ní bheifimid ag súil go bhfágfaidh tú an tír fad atá tú ag fanacht le clárú.
Is é clárú an chaoi a dtaifeadaimid gur tugadh cead duit fanacht in Éirinn. B’fhéidir gur inis oifigeach inimirce san aerfort duit do chead a chlárú nó i gcumarsáid ó Sheachadadh Seirbhíse Inimirce (ISD). Nuair a chláraíonn tú go rathúil gheobhaidh tú cárta Cead Cónaithe Éireannach tríd an bpost agus is é sin do chruthúnas go bhfuil tú go dleathach sa Stát.