Víosaí Singil/Il-víosaí

Má tá tú ag taisteal go hÉirinn b’fhéidir go mbeidh ort iarratas a dhéanamh ar víosa.

Is deimhniú é víosa Éireannach a chuirtear ar do phas nó ar do dhoiciméad taistil a ligeann duit taisteal go hÉirinn. Braitheann an cineál víosa a bheidh uait ar chuspóir agus fad do chuairte in Éirinn.

Ceadaíonn víosa iontrála aonair duit taisteal go hÉirinn ar uair amháin idir na dátaí bailíochta a shonraítear ar do víosa.

Ligeann víosa dul isteach iolrach duit taisteal go hÉirinn roinnt uaireanta le linn na ndátaí a thaispeántar ar do víosa, le haghaidh turais ghearra amháin.

Ní cheadaítear an chatagóir víosa seo a úsáid chun rialacha inimirce a rialaíonn cónaitheacht sa Stát a sheachaint. Mar shampla, ní féidir fanacht in Éirinn ar feadh tréimhse 90 lá agus ansin féachaint le filleadh ar an tír ar feadh tréimhse eile suas le 90 lá. D’fhéadfadh sé go ndiúltófaí iontráil duit ag an gcalafort iontrála nó go ndiúltófar d’iarratais ar víosa amach anseo má dhéantar mí-úsáid air seo.

Má tá iarratas á dhéanamh agat ar víosa gearrfhanachta ‘C’ is féidir leat iarratas a dhéanamh ar víosa dul isteach amháin nó iolrach. Mínítear thíos na breithnithe beartais atá mar bhonn agus thaca ag cinntí ar iarratais ar víosaí dul isteach iolrach chun cabhrú leat cinneadh a dhéanamh ar iarratas a dhéanamh ar víosa dul isteach aonair nó iolrach.

Más mian leat iarratas a dhéanamh ar víosa dul isteach iolrach, ní mór duit é sin a chur in iúl ar d’iarratas agus an táille víosa a íoc ar víosa dul isteach iolrach. Is de rogha an Oifigigh Víosa a dheonófar víosa dul isteach iolrach.

Má dhéanann tú iarratas ar víosa ilturais ach go ndeonaítear víosa turais singil duit, ní aisíocfar an difríocht sa táille víosa leat in imthosca ar bith.

Cinnfidh an t-oifigeach Inimirce ag an gcalafort iontrála, ar gach ócáid, cibé an bhféadfaidh tú dul isteach agus fad do chead fanachta.

De ghnáth ní eisítear víosaí iontrála iolracha ach amháin d’iarratasóir a bhfuil stair taistil chomhlíontach léirithe aige.

Má bhí 2 víosa Éireannacha agat roimhe seo agus má tá coinníollacha na víosaí seo comhlíonta agat (mar shampla – níor fhan tú rófhada nó nár oibrigh tú go mídhleathach) féadfaidh tú iarratas a dhéanamh ar víosa le haghaidh ilturais.

Féadfar víosa dul isteach iolrach a cheadú i gcúinsí áirithe mura bhfuil stair taistil agat go hÉirinn, mar shampla:

Is féidir leat iarratas a dhéanamh ar víosa fadchónaithe ‘D’ le haghaidh fanacht in Éirinn níos faide ná 3 mhí mar shampla, chun críche staidéir nó oibre nó chun dul isteach i mball teaghlaigh (nó bogadh le duine den teaghlach) chun cónaí in Éirinn.

Má cheadaítear an víosa, beidh ort do chead a chlárú le hOifig Chlárúcháin tar éis duit teacht isteach in Éirinn chun cárta Cead Cónaithe Éireannach a fháil. Má tá sé ar intinn agat Éire a fhágáil ar feadh tréimhse ghearr agus teacht ar ais arís ansin, ní mór duit:

Má tá sé beartaithe agat Éire a fhágáil agus filleadh ar ais laistigh de chúpla mí tar éis duit teacht isteach molaimid duit iarratas a dhéanamh ar víosa iliontrála. Cuirfidh sé seo deireadh leis an ngá atá le hiarratas a dhéanamh ar víosa eile ó thar lear, i gcás nach bhfaightear do chárta IRP roimh duit imeacht.

Is féidir leat iarratas a dhéanamh ar víosa fadchónaithe ‘D’ le haghaidh fanacht in Éirinn níos faide ná 3 mhí, mar shampla chun críche staidéir nó chun dul isteach i mball teaghlaigh (nó bogadh le duine den teaghlach) chun cónaí in Éirinn.

Má thaistealaíonn tú go hÉirinn agus má bheartaíonn tú Éire a fhágáil ar feadh tréimhse ghairid agus má thagann tú ar ais arís, ní mór víosa bailí a bheith agat. Má eisíodh víosa iontrála aonair duit beidh ort:

Ceann de na ceanglais maidir le víosa athiontrála a dheonú is ea, sa chás gur náisiúnach neamh LEE do thuismitheoir nó caomhnóir, go gcaithfidh an tuismitheoir nó caomhnóir a gCeadúnas Cónaithe Éireannach (nó cárta GNIB) reatha a áireamh mar chuid de d’iarratas ar víosa athiontrála – (féach https://www.irishimmigration.ie/ agus Víosa Athiontrála le haghaidh tuilleadh sonraí ar conas iarratas a dhéanamh ar Víosa Athiontrála). Má tá do thuismitheoirí ag bogadh go hÉirinn leat, bheadh orthu a gcead a chlárú le hOifig Chlárúcháin tar éis dóibh teacht isteach in Éirinn chun Ceadúnas Cónaithe Éireannach a fháil.

D’fhéadfadh go dtógfadh sé seo roinnt ama agus chuirfeadh sé cosc ar víosa athiontrála a eisiúint chugat go dtí go bhfaighidh siad an cárta IRP. Má tá sé ar intinn agat Éire a fhágáil agus filleadh ar ais laistigh de chúpla mí tar éis duit teacht isteach, molaimid duit iarratas a dhéanamh ar víosa iliontrála agus iarratas á dhéanamh agat ar víosa chun teacht go hÉirinn chun nach gá iarratas a dhéanamh ar víosa eile.

Más mian leat taisteal go Tuaisceart Éireann beidh víosa arna eisiúint ag an Ríocht Aontaithe ag teastáil uait.

Má tá tú ag taisteal go Poblacht na hÉireann agus go bhfuil sé ar intinn agat cuairt a thabhairt ar Thuaisceart Éireann agus filleadh ar an bPoblacht, ní mór duit víosa dul isteach iolrach Éireannach agus víosa RA a fháil.

Más é Tuaisceart Éireann do phríomhcheann scríbe ach go dtagann tú isteach agus go n-imíonn tú ó Phoblacht na hÉireann, ní mór duit víosa RA a fháil ar dtús, agus víosa dul isteach iolrach Éireannach ansin.

Tá Tuaisceart Éireann comhdhéanta de na contaetha seo a leanas: