Tá seirbhís ar conradh i bhfeidhm ag Foireann Freagartha Úcráin na Roinne Dlí agus Cirt ó Mhárta 2022 chun tacú le Rialtas na hÉireann le riaradh na nósanna imeachta iarratais do náisiúnaigh na hÚcráine agus a dteaghlaigh in Éirinn atá ag teitheadh ón gcogadh san Úcráin. Tá an conradh reatha le hathnuachan i mí an Mhárta 2023. Tá moltaí á lorg ag an Roinn anois ó eagraíochtaí ar spéis leo an tseirbhís seo a sholáthar.
Is é cuspóir an tionscadail tacú le himirce ordúil, sábháilte agus rialta do náisiúnaigh uile na hÚcráine agus dá dteaghlaigh atá ag teitheadh ón gcoinbhleacht san Úcráin in éineacht le náisiúnaigh tríú tíortha a bhí ina gcónaí san Úcráin ag tús na coinbhleachta. Áirítear ar na tascanna, ach níl siad teoranta dóibh, faisnéis a sholáthar do dhaoine nua a thagann isteach lena n-áirítear tacaíocht chultúrtha, seirbhísí aistriúcháin agus ateangaireachta.
Ba cheart go mbeadh taithí agus saineolas léirithe ag iarratasóirí i seachadadh gníomhaíochtaí comhchosúla nó inchomparáide agus ní mór dóibh a bheith in ann an tionscadal a chur i gcrích i Mol Idirthréimhse na hÚcráine sa Chathair Thiar, Teach Sagard, Co. Bhaile Átha Cliath, aerfort Bhaile Átha Cliath agus in áiteanna réigiúnacha eile.
Tá sonraí an tionscadail ar fáil sna Treoirlínte d’Iarratais atá, mar aon leis an bhFoirm Iarratais, ar fáil thíos:
Cuir isteach an fhoirm iarratais chomhlánaithe i gcóip chrua le do thoil chuig an seoladh thíos:
Foireann Freagartha na hÚcráine
Seachadadh Seirbhíse Inimirce
Teach Caibidle
Sráid na Mainistreach Íochtarach
D01 C7W6
Is é an dáta deiridh le haghaidh iarratas ná 5:00pm Dé hAoine 3 Márta 2023.