D’fhógair an tAire Dlí agus Cirt, Helen McEntee TD, inniu go bhfuil córas sealadach i bhfeidhm a chuirfidh ar chumas iarratasóirí saoránachta a bpróiseas eadóirseachta a chur i gcrích trí dhearbhú reachtúil dílseachta don stát a shíniú. Tagann an dearbhú reachtúil sínithe seo in ionad an cheanglais ar iarratasóirí saoránachta freastal ar shearmanais saoránachta, a cuireadh ar fionraí go sealadach le linn COVID-19.
Beidh an córas nua i bhfeidhm ó Dé Luain, 18 Eanáir 2021. Ní gá d’iarratasóirí ar shaoránacht teagmháil a dhéanamh leis an aonad . Faoin gcóras sealadach nua, rachaidh an Rannán Saoránachta i dteagmháil le hiarratasóirí cáilitheacha ar bhonn céimneach sna míonna atá amach romhainn. Iarrfar ar iarratasóirí cáilitheacha dearbhú reachtúil a chomhlánú a sheolfar chucu ar ríomhphost ón Rannóg Saoránachta.
Ceanglófar ar iarratasóirí cáilitheacha an dearbhú reachtúil a chomhlánú i láthair finné atá ina nótaire poiblí, ina choimisinéir mionn, ina aturnae, nó ina choimisinéir síochána, agus atá údaraithe chun dearbhuithe reachtúla a ghlacadh agus a fháil. Ní mór don Fhinné a bheith ina chónaí sa Stát agus ní mór an Dearbhú a riar / a fhinné sa Stát.
Nuair a bheidh sé comhlánaithe caithfidh an t-iarratasóir an dearbhú reachtúil sínithe, an táille chuí agus aon doiciméadú eile a iarrtar a sheoladh chuig an seoladh poist tiomnaithe mar a threoraítear sa ríomhphost ar nó roimh an 30 Bealtaine 2021 .
Tógfaidh sé suas le 6 seachtaine tar éis na doiciméid thuas a fháil chun Deimhniú Eadóirseachta a eisiúint má tá gach ceann díobh thuas in ord. Mar sin, chabhródh sé go mór linn mura ndéanann tú ach teagmháil linn, tar éis don tréimhse 6 seachtaine a bheith caite agus ansin ach amháin má tá sé fíor-riachtanach, mar ligfidh sé seo dúinn an t-uasmhéid ama a chaitheamh le próiseáil na n-iarratas.
Nóta:
Iarratasóirí : Níl an próiseas leasaithe deonaithe Saoránachta seo oscailte ach d’iarratasóirí a bhfuil ríomhphost faighte acu ón Roinn ag tabhairt cuireadh dóibh páirt a ghlacadh. Eiseofar gach cuireadh den sórt sin ar bhonn céime sna seachtainí agus sna míonna amach romhainn. Iarraimid go cineálta ar gach iarratasóir eile leanúint de bheith foighneach, leanann an fhoireann Saoránachta ag próiseáil iarratais le linn na paindéime Covid-19.
Oifigigh ainmnithe (nótaire poiblí, coimisinéir mionnaí, aturnae, nó coimisinéir síochána, agus atá údaraithe chun dearbhuithe reachtúla a ghlacadh agus a fháil). Má iarrann iarratasóir ort an dearbhú reachtúil a chomhlánú, iarrtar ort go cineálta iarraidh ar an iarratasóir comhfhreagras (ríomhphost) a sholáthar duit ón Rannóg Saoránachta ag cur in iúl go bhfuil an t-iarratasóir sin roghnaithe le cur san áireamh sa phróiseas leasaithe deonaithe. Níl aon bhuntáiste le baint as dearbhú reachtúil a chur isteach mura n-iarrtar é. Go deimhin, is dócha go gcuirfidh sé seo moill ar chúrsaí do gach iarratasóir.