Nuashonrú do Thairbhithe Chlár Iontrála na hAfganastáine

Is féidir sonraí faoi na cláir Iontrála san Afganastáin a fháil anseo: Leathanach Eolais Chlár Iontrála na hAfganastáine

D’fhéadfadh daoine nach náisiúnaigh iad a tháinig isteach sa Stát mar Thairbhí de Chlár Iontrála na hAfganastáine a bheith incháilithe anois chun a gcead a athnuachan go neamhspleách ar a nUrraitheoir. Féadfaidh siad iarratas a dhéanamh trí thairseach athnuachana ar líne Seachadadh Seirbhíse Inimirce, faoi réir na gceanglas incháilitheachta thíos.

Is féidir an cead neamhspleách nua seo a athnuachan gach 2 bhliain faoi réir do chomhlíonadh leis na coinníollacha atá liostaithe thíos.

D’fhéadfá a bheith incháilithe le hathnuachan faoi choinníollacha neamhspleácha Stampa 4 má:

• Chuaigh tú isteach sa Stát roimhe seo agus bhí cónaí ort go leanúnach ann mar Thairbhí de Chlár Iontrála na hAfganastáine
• Do chárta Cead Cónaithe Éireannach is déanaí arna eisiúint ar bhonn clárúcháin mar Thairbhí de chuid Chlár Iontrála na hAfganastáine
• Níor chláraigh tú faoi bhonn difriúil ina dhiaidh sin
• Ní raibh tú as láthair ón Stát ar feadh tréimhse is faide ná 90 lá in aon bhliain rollta
• Chomhlíon tú coinníollacha do cheada fanachta, lena n-áirítear nár tháinig tú faoi bhráid na nGardaí Síochána.
• Níor chuir tú isteach ar chosaint idirnáisiúnta roimhe seo
• Níl iarratas ar chosaint idirnáisiúnta agat cheana féin
• Níl tú faoi réir togra díbeartha ná faoi réir Ordú Díbeartha ná Ordú Aistrithe eile is infheidhme.

Is féidir le neamhnáisiúnaigh atá incháilithe le haghaidh athnuachana iarratas a chur isteach anseo: Do ​​chlárú a athnuachan

• Stampa 4
• Deonaíodh Cead Fanachta dom bunaithe ar litir ón Roinn Dlí agus Cirt/Seachadadh Seirbhíse Inimirce (Ní bhaineann an rogha seo le hiarratasóirí a bhfuil litreacha ceadanna deonaithe acu ón Oifig um Chosaint Idirnáisiúnta).
• Uaslódáil cóip de do litir bhunaidh ó Chlár Iontrála na hAfganastáine
• Tá an táille chlárúcháin i bhfeidhm