Sa Roinn Seo
Réamhrá
Tá freastal ar shearmanas saoránachta ar an gcéim dheiridh chun an próiseas eadóirseachta a chur i gcrích. Reáchtáiltear lá searmanas saoránachta go tréimhsiúil tríd an mbliain. Is minic a sheoltar roinnt searmanas ag gach ócáid.
Do chuireadh
Gheobhaidh tú cuireadh chuig do shearmanas leis an bpost sula mbeidh sé sceidealta bheith ann. Ná téigh i dteagmháil linn maidir le cuirí chuig searmanais, le do thoil, mar nach bhfuil deis againn cuirí a dheimhniú.
D'aoi
Gheobhaidh tú cuireadh chun aoi amháin a thabhairt leat – ní féidir ach le d’aoi an cuireadh sin a úsáid.
Iarratasóirí ar Mionaoisigh/Leanaí iad
Iarratasóirí a n-éiríonn leo agus ar mionaoisigh (leanaí) iad, ní gá dóibh freastal ar shearmanas saoránachta. Gheobhaidh siad a nDeimhniú Eadóirseachta leis an bpost.
Cad a tharlaíonn ag an searmanas?
Féach thíos, le do thoil, faoina dtarlaíonn ag an searmanas saoránachta agus faoina gceanglaítear ort a dhéanamh. Tabhair na treoracha agus an fhaisnéis do d’aire go cúramach, le do thoil.
Ag an searmanas, gheobhaidh tú do Dheimhniú Eadóirseachta agus déanfaidh tú dearbhú dílseachta agus tairiseachta. Ní thiocfaidh tú chun bheith i do shaoránach Éireannach go dtí go mbeidh do dhearbhú déanta agat.
Ar theacht isteach in ionad an tsearmanais duit, téigh chuig an deasc chlárúcháin chun seiceáil isteach. Tabhair do phas leat mar aitheantas fótagrafach. Tá ceadúnas tiomána ar an gcineál eile aitheantais fhótagrafaigh a bhféadfar glacadh leis.
Tar éis duit clárú, tabharfaimid duit
- Leabhrán searmanais ina mbeidh:
- Eolas faoi conas iarratas a dhéanamh ar do phas Éireannach
- Eolas faoi do cheart chun clárú chun vótáil
- Eolas faoi na himthosca faoina bhféadfar do shaoránacht Éireann a chúlghairm
- Focail an amhráin náisiúnta. Cliceáil anseo le haghaidh na bhfocal.
- Suaitheantas Éireannach
Beidh breitheamh i gceannas ar an searmanas saoránachta féin agus is minic a fhreastalaíonn aire rialtais air. Féadfaidh sé go mbeidh tuairisceoirí preasa nó grianghrafadóirí preasa i láthair freisin. Féadfaidh sé go mairfidh an searmanas cúpla uair an chloig.
Luaitear sa dearbhú go n-urramóidh tú cearta, saoirsí agus dlíthe na hÉireann. Tabharfar focail an dearbhaithe duit ar an lá agus ní bheidh ort iad a chur de ghlanmheabhair.
Ní thiocfaidh tú chun bheith i do shaoránach Éireannach go dtí go ndéanfaidh tú do dhearbhú.
Dearbhú dílseachta do náisiún na hÉireann agus tairiseachta don Stát
"Déanaimse (ainm) a rinne iarratas ar dheimhniú eadóirseachta chun an Aire Dlí agus Cirt, leis seo, a dhearbhú go sollúnta mé a bheith dílis do náisiún na hÉireann agus tairiseach don Stát.
Geallaim go ndéanfaidh mé dlíthe an Stáit a chomhlíonadh go dílis agus a luachanna daonlathacha a urramú."
Doiciméad luachmhar atá i do Dheimhniú Eadóirseachta agus ní féidir é a athsholáthar. Is ceart duit é a choinneáil in áit shábháilte.
Ná lannaigh do dheimhniú agus ná déan athruithe eile air go brách. Déanfar neamhbhailí é má dhéantar athruithe neamhúdaraithe air agus féadfaidh sé nach nglacfar leis agus iarratas á dhéanamh agat ar phas.
Tar éis duit teacht chun bheith i do shaoránach Éireannach, féadfaidh tú do phas a iarraidh tríd an Roinn Gnóthaí Eachtracha.
Tar éis an tsearmanais más mian leat taisteal ach nach mbeidh do Phas Éireannach faighte agat go fóill, is ceart duit seiceáil fós féin leis an Oifigeach Inimirce ag an aerfort óna mbeidh tú ag taisteal chun deimhin a dhéanamh de go mbeidh tú ábalta Éire a fhágáil agus teacht isteach in Éirinn mar shaoránach Éireannach eadóirsithe.
Ag an searmanas, tabharfaidh iarrthóirí mionn dílseachta don náisiún, agus, leis sin, tiocfaidh siad chun bheith ina saoránaigh Éireannacha. Déanfar do dheimhniú eadóirseachta a eisiúint leis an bpost cláraithe sna seachtainí tar éis an tsearmanais.
Leis an méid ríomhphost atá á bhfáil againn i láthair na huaire, ní bheidh deis ag an Rannán Saoránachta freagra a thabhairt ar fhiosrúcháin ríomhphoist faoi chuireadh chuig an gcéad searmanas eile.
Ná déan teagmháil linn maidir le cuireadh chuig searmanais mar ní féidir linn cuireadh a dheimhniú. Gheobhaidh tú cuireadh chuig do shearmanas trí ríomhphost sula mbeidh sé sceidealaithe.
Beidh na chéad searmanais eile ar siúl Dé Luain, an 1ú agus Dé Máirt an 2ú Nollaig 2025 in INEC, Cill Airne, Co. Chiarraí.
Déan pleananna taistil de bhóthar agus d’iarnród chun dul ann, le do thoil, ag úsáid shuíomh gréasáin Transport for Ireland .
15ú & 16ú Meán Fómhair 2025
Rinneadh saoránaigh Éireannacha de 5982 iarrthóir ag Ionad Comhdhála Bhaile Átha Cliath.
23ú & 24ú Meitheamh 2025
Rinneadh saoránaigh Éireannacha de 7410 iarrthóir ag INEC Chill Airne
13ú & 14ú Feabhra 2025
Rinneadh saoránaigh Éireannacha de 5750 iarrthóir ag Ionad Comhdhála Bhaile Átha Cliath
2nd & 3rd December 2024
Rinneadh saoránaigh Éireannacha de 6450 iarrthóir san INEC Cill Áirne
16 Meán Fómhair 2024
Rinneadh saoránaigh Éireannacha de 3180 iarrthóir san Ionad Comhdhála i mBaile Átha Cliath
10ú, 11ú, 20ú & 21ú Meitheamh 2024
Rinneadh saoránaigh Éireannacha de 10150 iarrthóir ag an INEC Killarney and Convention Centre, Baile Átha Cliath
26th Mí Feabhra 2024
Rinneadh saoránaigh Éireannacha de 1,250 iarrthóir sa Cheoláras Náisiúnta
18ú & 19ú Nollaig 2023
Rinneadh saoránaigh Éireannacha de 6,000 iarrthóir san Ionad Comhdhála, Baile Átha Cliath (CCD)
An 2ú Deireadh Fómhair 2023
Rinneadh saoránaigh Éireannacha de 2,700 iarratasóir in Ionad Comhdhála Bhaile Átha Cliath.
An 19ú & an 20ú Meitheamh 2023
Rinneadh saoránaigh Éireannacha de 4,000 iarrthóir in Ionad Comhdhála Chill Airne.
An 10ú Márta 2023
Rinneadh saoránaigh Éireannacha de 1,300 iarrthóir san RDS i mBaile Átha Cliath.
An 5ú & 6ú Nollaig 2022
Rinneadh saoránaigh Éireannacha de 3,500 iarrthóir in Ionad Comhdhála Chill Airne.
20 Meitheamh 2022 i gCill Airne, Co. Chiarraí
Rinneadh saoránaigh Éireannacha de 950 iarrthóir in Ionad Comhdhála Chill Airne.
Ar an 10 Iúil 2020, ag Searmanas Saoránachta Fíorúil, tháinig 21 iarrthóir chun bheith ina saoránaigh Éireannacha ag searmanas saoránachta fíorúil arna óstáil ag an Aire Dlí agus Cirt, Eiléana Nic an tSaoi TD.
Ar an 2 agus 3 Márta 2020 i gCill Airne, Co. Chiarraí, tháinig 5,000 iarrthóir chun bheith ina saoránaigh Éireannacha in Ionad Comhdhála Chill Airne.
Ar an 9 Nollaig 2019 i gCill Airne, Co. Chiarraí, tháinig 2,000 iarrthóir chun bheith ina saoránaigh Éireannacha in Ionad Comhdhála Chill Airne. Léigh sleachta as an aitheasc tosaithe a tugadh ag an searmanas sin.
Ar an 29 Aibreán 2019 i gCill Airne, Co. Chiarraí, tháinig 2,400 iarrthóir chun bheith ina saoránaigh Éireannacha in Ionad Comhdhála Chill Airne. Reáchtáladh 3 shearmanas ar an lá.
Ar an 26 Samhain 2018 i gCill Airne, Co. Chiarraí, tháinig 3,000 iarrthóir chun bheith ina saoránaigh Éireannacha in Ionad Comhdhála Chill Airne. Reáchtáladh 3 shearmanas ar an lá.
Ar an 21 Bealtaine 2018 i gCill Airne, Co. Chiarraí, tháinig 3,500 iarrthóir chun bheith ina saoránaigh Éireannacha in Ionad Comhdhála Chill Airne. Reáchtáladh 3 shearmanas ar an lá.
Ar an 27 Samhain 2017, i gCathair Bhaile Átha Cliath, tháinig breis agus 3,200 iarrthóir chun bheith ina saoránaigh Éireannacha in Ionad Comhdhála Bhaile Átha Cliath. Reáchtáladh 3 shearmanas ar an lá.
Ar an 19 Meitheamh 2017, i gCathair Luimnigh, tháinig 355 iarrthóir as aon tír déag chun bheith ina saoránaigh Éireannacha i Halla Ceoil na hOllscoile in Ollscoil Luimnigh.
Ar an 21 Aibreán 2017, i gCathair Bhaile Átha Cliath, tháinig breis agus 3,000 iarrthóir as breis agus 120 tír chun bheith ina saoránaigh Éireannacha in Ionad Comhdhála Bhaile Átha Cliath. Reáchtáladh 3 shearmanas ar an lá.
Beoshruth den Searmanas Saoránachta – Dé Luain 20 Meitheamh 2022 – 10:45 am
Beoshruth den Searmanas Saoránachta – Dé Luain 20 Meitheamh 2022 – 1:15pm
Beoshruth den Searmanas Saoránachta – Dé Máirt an 3 Márta 2020 – 10:30am, 13:00pm agus 15:30pm
Beoshruth den Searmanas Saoránachta – Dé Luain an 2 Márta 2020 – 11:00am, 13:30pm agus 16:00pm
Beoshruth den Searmanas Saoránachta – an 9 Nollaig 2019
Ceisteanna Coitianta maidir le Searmanas Saoránachta
Roimh an searmanas
Tabhair faoi deara, le do thoil, gur ortsa atá an fhreagracht do chead a choinneáil cothrom le dáta i gcónaí agus tú sa Stát, fiú má tá iarratas déanta agat ar Shaoránacht trí Nádúrú . Ní mór duit cárta IRP atá suas le dáta a thabhairt ar aird ag clárú don searmanas saoránachta. Is féidir leat iarratas a dhéanamh chun do chárta IRP a athnuachan suas le 12 sheachtain roimh a dháta éaga.
Mura náisiúnach de chuid an LEE thú, ní mór duit do chárta IRP bailí a thabhairt leat.
I gcás iarratasóir fásta, tá freastal ar an searmanas éigeantach agus is í an chéim dheireanach í chun an próiseas nádúraithe a chríochnú. Ag an searmanas déanfaidh tú do Dhearbhú Dílseachta don náisiún Éireannach agus do dhílseacht don Stát. Eiseofar do theastas nádúraithe duit laistigh de 4 go 6 seachtaine tar éis na searmanais.
Mura bhfuil rochtain agat ar an seoladh ríomhphoist a d'úsáid tú le haghaidh d'iarratais, cláraigh le haghaidh do chuntas Seirbhíse do Chustaiméirí nó logáil isteach i do chuntas le teagmháil a dhéanamh linn.
Mura bhfuil na sonraí pearsanta ar do litir cheadaithe ceart, cláraigh le haghaidh do chuntas Seirbhíse do Chustaiméirí nó logáil isteach i do chuntas le teagmháil a dhéanamh linn. Tabhair faoi deara nach féidir linn carachtair speisialta a ghlacadh.
Tar éis na searmanais
Is ortsa atá an fhreagracht é a chur in iúl dúinn nuair a athraíonn tú do sheoladh. Is é an seoladh atá againn ar chomhad duit lá na searmanais an seoladh a sheolfar do theastas chuige leis an bpost cláraithe. Ní féidir iarratais ar athrú seolta a chomhlíonadh lá na searmanais.
Ní mór an deimhniú bunaidh a sheoladh ar ais chuig an Roinn Saoránachta mar aon le litir chumhdaigh ina sonraítear an earráid atá ar an deimhniú. Mura bhfuil an t-ainm ceart ar an deimhniú, cuir cóip de do phas atá i ndáta ar fáil. Tabhair faoi deara nach féidir linn carachtair speisialta a chur ar an deimhniú. Seol an deimhniú ar ais chuig an seoladh seo:
SU1
An Rannán Saoránachta
Seachadadh Seirbhíse Inimirce
An Roinn Dlí agus Cirt
Bóthar Rosanna
Baile Thiobraid Árann E34 N566
Éire
Chun seachadadh sábháilte a chinntiú, bain úsáid as clúdaigh oiriúnacha agus doiciméid á gcur isteach agat tríd an bpost chuig an Rannóg Saoránachta, Seachadadh na Seirbhíse Inimirce (ISD).
Déanfaidh tú iarratas ar do phas Éireannach leis an Oifig Pas faoin Roinn Gnóthaí Eachtracha agus Trádála. Le haghaidh eolais ar conas iarratas a dhéanamh ar phas, féach ar a suíomh Gréasáin: Iarratas ar Phas den Chéad Uair do Dhaoine Fásta | An Roinn Gnóthaí Eachtracha | Ireland.ie | Ireland.ie