Is eol do Sheachadadh Seirbhísí Inimirce (ISD) na Roinne Dlí agus Cirt go bhfuil riaráiste próiseála na n-athnuachan sin faoi láthair ag daoine atá ag iarraidh a gceadanna a athnuachan chun cónaí in Éirinn. Tar éis don phróiseas athnuachana clárúcháin a bheith críochnaithe, d’fhéadfadh go dtógfadh sé dhá sheachtain eile cárta Cead Cónaithe Éireann (IRP) a fháil tríd an bpost.

D’fhonn éascú a dhéanamh do Náisiúnaigh Neamh-AE/LEE a bhfuil cónaí dlíthiúil orthu sa Stát ar a gceanglaítear a gcead reatha a athnuachan agus ar mian leo taisteal go hidirnáisiúnta le linn thréimhse na Nollag agus na hAthbhliana, tá an tAire Dlí agus Cirt ag eisiúint Fógra Daingnithe Taistil , (féach an nasc thíos). Iarrann an Fógra ar iompróirí cead a thabhairt do dhaoine aonair taisteal ar a gcárta IRP a chuaigh in éag le déanaí nuair a cuireadh iarratas chun a gcead a athnuachan faoi bhráid ISD roimh dháta éaga a gcárta IRP.

Is féidir le náisiúnaigh neamh-AE/LEE sa Stát a gceanglaítear orthu iarratas a dhéanamh ar athnuachan a gcárta IRP a gcárta IRP atá imithe in éag le déanaí a úsáid chun cur ar a gcumas taisteal sa tréimhse ó 06 Nollaig 2023 go 31 Eanáir 2024. Ní bhaineann an liúntas seo ach le hiarratas ar athnuachan a gceadúnais a cuireadh isteach roimh dháta éaga a gCárta IRP.

Leanfar le hiarratais ar athnuachan a phróiseáil chomh tapa agus is féidir.

Tá an Fógra Daingnithe Taistil seo bailí ón 06 Nollaig 2023 go dtí an 31 Eanáir 2024 san áireamh.

Nóta:

  • ba cheart do dhaoine an fógra taistil seo a íoslódáil agus a phriontáil agus é a thíolacadh, mar aon lena gcárta IRP atá imithe in éag, agus cruthúnas ar a n-iarratas athnuachana (deimhniú ríomhphoist a shonraíonn dáta an iarratais) chuig údaráis inimirce agus aerlínte má iarrtar orthu déanamh amhlaidh.

  • Cuirfidh ISD comhairle ar gach aerlíne agus misean eachtrach ar na tionscnaimh Éireannacha atá i bhfeidhm. Ní féidir leis iallach a chur orthu déanamh de réir áfach

  • má bhíonn ort taisteal trí thríú tír chun filleadh ar Éirinn is faoin dlínse sin a cheangal ort a gcuid riachtanas inimirce a chomhlíonadh lena n-áirítear víosa srl.

  • ba chóir duit dul i dteagmháil le d'iompróir roimh thaisteal

  • is féidir tuilleadh sonraí a fháil ar na socruithe seo .