Sa Roinn Seo

Réamhrá
Incháilitheacht
Ceisteanna coitianta
Cuir iarratas isteach

Má éiríonn le d’iarratas
Táille
Reachtaíocht
Déan teagmháil linn

Réamhrá

Más náisiúnach neamh-LEE thú os cionn 18 mbliana d’aois agus más mian leat d’ainm a athrú go dlíthiúil go hainm atá difriúil leis an gceann ar do theastas breithe, ní mór duit iarratas a dhéanamh ar cheadúnas um athrú ainm. Nuair a dheonaítear ceadúnas um athrú ainm duit ní mór duit iarratas a dhéanamh chuig Oifig na nGníomhas Gníomhais chun d’ainm a athrú go dleathach.

Incháilitheacht

Más náisiúnach neamh-LEE thú agus más mian leat d’ainm a athrú go hoifigiúil is féidir leat iarratas a dhéanamh ar cheadúnas um athrú ainm ó Sheachadadh Seirbhíse Inimirce (ISD) na Roinne Dlí agus Cirt. Tá seoladh poist an iarratais seo tugtha thíos.

Ceisteanna coitianta

Más saoránach Éireannach tú ní gá duit ceadúnas um athrú ainm a fháil. Is féidir leat iarratas a dhéanamh go díreach chuig Oifig na nGníomhas Gníomhais chun d’ainm a athrú. Má chreideann tú go bhféadfadh go bhfuil amhras ar an Oifig sin faoi do shaoránacht Éireannach, féadfaidh tú iarraidh ar an ISD litir a chur ar fáil duit ag rá nach bhfuil ceadúnas athraithe ainm uait.

Agus litir den sórt sin á hiarraidh agat, ní mór duit na bundoiciméid seo a leanas a sholáthar do ISD:

  • Do theastas breithe foirm fhada
  • Do phas reatha
  • Aon doiciméid atá agat a thabharfadh aon athrú ainm roimhe seo le fios. Is iad na doiciméid sin, mar shampla, do theastas pósta má d’athraigh tú d’ainm ar phósadh nó ar dhoiciméid gníomhais aonpháirtí má rinne tú gníomhas aonpháirtí roimhe seo.

Más saoránach Briotanach thú ní gá duit ceadúnas um athrú ainm a fháil. Is féidir leat iarratas a dhéanamh chun d’ainm a athrú trí ghníomhas aonpháirtí. Mar atá thuas, b’fhéidir go n-iarrfar ort litir a sholáthar ón Roinn ag rá nach bhfuil ceadúnas um athrú ainm ag teastáil uait.

Sula n-eiseofar litir chugat, teastaíonn uainn na bundoiciméid seo a leanas:

  • Do theastas breithe foirm fhada
  • Do phas reatha
  • Aon cháipéisí atá agat a thabharfadh le fios aon athrú ainm roimhe seo, is é sin, do theastas pósta má d’athraigh tú d’ainm ar phósadh. Nó, doiciméid gníomhas aonpháirtí má rinne tú gníomhas aonpháirtí roimhe seo.

Más saoránach den AE thú ní gá duit ceadúnas um athrú ainm a fháil. Is féidir leat iarratas a dhéanamh chun d’ainm a athrú trí ghníomhas aonpháirtí. D’fhéadfadh go n-iarrfaí ort litir a sholáthar ón Roinn ag rá nach bhfuil ceadúnas athraithe ainm uait.

Sula n-eiseofar litir chugat, teastaíonn uainn na bundoiciméid seo a leanas:

  • Do theastas breithe foirm fhada
  • Do phas reatha
  • Aon cháipéisí atá agat a thabharfadh le fios aon athrú ainm roimhe seo, is é sin, do theastas pósta má d’athraigh tú d’ainm ar phósadh. Nó, doiciméid gníomhas aonpháirtí má rinne tú gníomhas aonpháirtí roimhe seo.

Má tá tú faoi 18 mbliana d'aois ní gá duit ceadúnas um athrú ainm a fháil. Is féidir leat iarratas a dhéanamh chun d’ainm a athrú trí ghníomhas aonpháirtí. D’fhéadfadh go n-iarrfaí ort litir a sholáthar ón Roinn ag rá nach bhfuil ceadúnas athraithe ainm uait.

Sula n-eiseofar litir chugat, teastaíonn uainn na bundoiciméid seo a leanas:

  • Foirm fhada teastas breithe an mhionaoisigh
  • Cruthúnas aitheantais an tuismitheora/caomhnóra dlíthiúil, amhail a bpas bunaidh. (Má tá an t-iarratas á dhéanamh ag an tuismitheoir).

Ní theastaíonn ceadúnas um athrú ainm más mian leat d’ainm a athrú ar phósadh, nó más mian leat dul ar ais go dtí d’ainm roimh phósadh.

Más rud é gur tháinig tú go hÉirinn faoi chéannacht bhréagach agus gur tugadh cead fanacht in Éirinn duit, ní mór duit iarratas a dhéanamh chuig an oifig a thug cead fanachta duit chun filleadh ar d'fhíor-aitheantas.

Cuir iarratas isteach

Má theastaíonn ceadúnas um athrú ainm uait ní mór duit scríobh chuig an rannóg um athrú ainm ag iarraidh foirm iarratais.

Ní mór foirmeacha iarratais comhlánaithe, mar aon leis na doiciméid riachtanacha go léir a chur isteach sa phost chuig:

An Rannóg um Cheadúnas Athrú Ainme
Aonad C – An Rannán Cónaithe agus Ceadanna Baile
Seachadadh Seirbhíse Inimirce
An Roinn Dlí agus Cirt
13-14 Cé an Bhúirge
Baile Átha Cliath 2
DO2 XK70

Má éiríonn le d’iarratas

Eiseoimid do cheadúnas um athrú ainm chugat leis an bpost cláraithe. Chun go mbeidh éifeacht dhlíthiúil ag athrú d’ainm, ní mór gníomhas aonpháirtí a fhorghníomhú.

Táille

Má éiríonn le d’iarratas tá táille €13 le haghaidh do cheadúnas um athrú ainm a eisiúint.

Reachtaíocht

Eisítear ceadúnais um athrú ainm faoi Alt 8 agus Alt 9 d' Acht na nEachtrannach, 1935 .

Déan teagmháil linn

Má tá aon cheist agat, déan teagmháil linn le do thoil tríd an tairseach tiomanta um Sheirbhís do Chustaiméirí . Is féidir leat clárú le haghaidh cuntas nó logáil isteach i do chuntas reatha.

Nuashonraíodh an leathanach seo an uair dheireanach ar 24 Deireadh Fómhair 2024